Book 1 • Chapter 340
Section 340
10 verses
Verse 1
नृप करि बिनय महाजन फेरे सादर सकल मागने टेरे
Verse 2
भूषन बसन बाजि गज दीन्हे प्रेम पोषि ठाढ़े सब कीन्हे
Verse 3
बार बार बिरिदावलि भाषी फिरे सकल रामहि उर राखी
Verse 4
बहुरि बहुरि कोसलपति कहहीं जनकु प्रेमबस फिरै न चहहीं
Verse 5
पुनि कह भूपति बचन सुहाए फिरिअ महीस दूरि बड़ि आए
Verse 6
राउ बहोरि उतरि भए ठाढ़े प्रेम प्रबाह बिलोचन बाढ़े
Verse 7
तब बिदेह बोले कर जोरी बचन सनेह सुधाँ जनु बोरी
Verse 8
करौ कवन बिधि बिनय बनाई महाराज मोहि दीन्हि बड़ाई
Verse 9
कोसलपति समधी सजन सनमाने सब भाँति
Verse 10
मिलनि परसपर बिनय अति प्रीति न हृदयँ समाति
0:000:00
Speed: