Book 1 • Chapter 344
Section 344
10 verses
Verse 1
हने निसान पनव बर बाजे भेरि संख धुनि हय गय गाजे
Verse 2
झाँझि बिरव डिंडमीं सुहाई सरस राग बाजहिं सहनाई
Verse 3
पुर जन आवत अकनि बराता मुदित सकल पुलकावलि गाता
Verse 4
निज निज सुंदर सदन सँवारे हाट बाट चौहट पुर द्वारे
Verse 5
गलीं सकल अरगजाँ सिंचाई जहँ तहँ चौकें चारु पुराई
Verse 6
बना बजारु न जाइ बखाना तोरन केतु पताक बिताना
Verse 7
सफल पूगफल कदलि रसाला रोपे बकुल कदंब तमाला
Verse 8
लगे सुभग तरु परसत धरनी मनिमय आलबाल कल करनी
Verse 9
बिबिध भाँति मंगल कलस गृह गृह रचे सँवारि
Verse 10
सुर ब्रह्मादि सिहाहिं सब रघुबर पुरी निहारि
0:000:00
Speed: