Book 1 • Chapter 347
Section 347
10 verses
Verse 1
धूप धूम नभु मेचक भयऊ सावन घन घमंडु जनु ठयऊ
Verse 2
सुरतरु सुमन माल सुर बरषहिं मनहुँ बलाक अवलि मनु करषहिं
Verse 3
मंजुल मनिमय बंदनिवारे मनहुँ पाकरिपु चाप सँवारे
Verse 4
प्रगटहिं दुरहिं अटन्ह पर भामिनि चारु चपल जनु दमकहिं दामिनि
Verse 5
दुंदुभि धुनि घन गरजनि घोरा जाचक चातक दादुर मोरा
Verse 6
सुर सुगन्ध सुचि बरषहिं बारी सुखी सकल ससि पुर नर नारी
Verse 7
समउ जानी गुर आयसु दीन्हा पुर प्रबेसु रघुकुलमनि कीन्हा
Verse 8
सुमिरि संभु गिरजा गनराजा मुदित महीपति सहित समाजा
Verse 9
होहिं सगुन बरषहिं सुमन सुर दुंदुभीं बजाइ
Verse 10
बिबुध बधू नाचहिं मुदित मंजुल मंगल गाइ
0:000:00
Speed: