Book 1 • Chapter 83
Section 83
10 verses
Verse 1
मोर कहा सुनि करहु उपाई होइहि ईस्वर करिहि सहाई
Verse 2
सतीं जो तजी दच्छ मख देहा जनमी जाइ हिमाचल गेहा
Verse 3
तेहिं तपु कीन्ह संभु पति लागी सिव समाधि बैठे सबु त्यागी
Verse 4
जदपि अहइ असमंजस भारी तदपि बात एक सुनहु हमारी
Verse 5
पठवहु कामु जाइ सिव पाहीं करै छोभु संकर मन माहीं
Verse 6
तब हम जाइ सिवहि सिर नाई करवाउब बिबाहु बरिआई
Verse 7
एहि बिधि भलेहि देवहित होई मर अति नीक कहइ सबु कोई
Verse 8
अस्तुति सुरन्ह कीन्हि अति हेतू प्रगटेउ बिषमबान झषकेतू
Verse 9
सुरन्ह कहीं निज बिपति सब सुनि मन कीन्ह बिचार
Verse 10
संभु बिरोध न कुसल मोहि बिहसि कहेउ अस मार
0:000:00
Speed: