Book 6 • Chapter 10
Section 10
11 verses
Verse 1
यह मत जौं मानहु प्रभु मोरा उभय प्रकार सुजसु जग तोरा
Verse 2
सुत सन कह दसकंठ रिसाई असि मति सठ केहिं तोहि सिखाई
Verse 3
अबहीं ते उर संसय होई बेनुमूल सुत भयहु घमोई
Verse 4
सुनि पितु गिरा परुष अति घोरा चला भवन कहि बचन कठोरा
Verse 5
हित मत तोहि न लागत कैसें काल बिबस कहुँ भेषज जैसें
Verse 6
संध्या समय जानि दससीसा भवन चलेउ निरखत भुज बीसा
Verse 7
लंका सिखर उपर आगारा अति बिचित्र तहँ होइ अखारा
Verse 8
बैठ जाइ तेही मंदिर रावन लागे किंनर गुन गन गावन
Verse 9
बाजहिं ताल पखाउज बीना नृत्य करहिं अपछरा प्रबीना
Verse 10
सुनासीर सत सरिस सो संतत करइ बिलास
Verse 11
परम प्रबल रिपु सीस पर तद्यपि सोच न त्रास
0:000:00
Speed: