Book 6 • Chapter 9
Section 9
12 verses
Verse 1
कहहिं सचिव सठ ठकुरसोहाती नाथ न पूर आव एहि भाँती
Verse 2
बारिधि नाघि एक कपि आवा तासु चरित मन महुँ सबु गावा
Verse 3
छुधा न रही तुम्हहि तब काहू जारत नगरु कस न धरि खाहू
Verse 4
सुनत नीक आगें दुख पावा सचिवन अस मत प्रभुहि सुनावा
Verse 5
जेहिं बारीस बँधायउ हेला उतरेउ सेन समेत सुबेला
Verse 6
सो भनु मनुज खाब हम भाई बचन कहहिं सब गाल फुलाई
Verse 7
तात बचन मम सुनु अति आदर जनि मन गुनहु मोहि करि कादर
Verse 8
प्रिय बानी जे सुनहिं जे कहहीं ऐसे नर निकाय जग अहहीं
Verse 9
बचन परम हित सुनत कठोरे सुनहिं जे कहहिं ते नर प्रभु थोरे
Verse 10
प्रथम बसीठ पठउ सुनु नीती सीता देइ करहु पुनि प्रीती
Verse 11
नारि पाइ फिरि जाहिं जौं तौ न बढ़ाइअ रारि
Verse 12
नाहिं त सन्मुख समर महि तात करिअ हठि मारि
0:000:00
Speed: