Book 6 • Chapter 114
Section 114
10 verses
Verse 1
सुनु सुरपति कपि भालु हमारे परे भूमि निसचरन्हि जे मारे
Verse 2
मम हित लागि तजे इन्ह प्राना सकल जिआउ सुरेस सुजाना
Verse 3
सुनु खगेस प्रभु कै यह बानी अति अगाध जानहिं मुनि ग्यानी
Verse 4
प्रभु सक त्रिभुअन मारि जिआई केवल सक्रहि दीन्हि बड़ाई
Verse 5
सुधा बरषि कपि भालु जिआए हरषि उठे सब प्रभु पहिं आए
Verse 6
सुधाबृष्टि भै दुहु दल ऊपर जिए भालु कपि नहिं रजनीचर
Verse 7
रामाकार भए तिन्ह के मन मुक्त भए छूटे भव बंधन
Verse 8
सुर अंसिक सब कपि अरु रीछा जिए सकल रघुपति कीं ईछा
Verse 9
राम सरिस को दीन हितकारी कीन्हे मुकुत निसाचर झारी
Verse 10
खल मल धाम काम रत रावन गति पाई जो मुनिबर पाव न
0:000:00
Speed: