Book 6 • Chapter 116
Section 116
8 verses
Verse 1
करि बिनती जब संभु सिधाए तब प्रभु निकट बिभीषनु आए
Verse 2
नाइ चरन सिरु कह मृदु बानी बिनय सुनहु प्रभु सारँगपानी
Verse 3
सकुल सदल प्रभु रावन मार् यो पावन जस त्रिभुवन बिस्तार् यो
Verse 4
दीन मलीन हीन मति जाती मो पर कृपा कीन्हि बहु भाँती
Verse 5
अब जन गृह पुनीत प्रभु कीजे मज्जनु करिअ समर श्रम छीजे
Verse 6
देखि कोस मंदिर संपदा देहु कृपाल कपिन्ह कहुँ मुदा
Verse 7
सब बिधि नाथ मोहि अपनाइअ पुनि मोहि सहित अवधपुर जाइअ
Verse 8
सुनत बचन मृदु दीनदयाला सजल भए द्वौ नयन बिसाला
0:000:00
Speed: