Book 6 • Chapter 27
Section 27
10 verses
Verse 1
सुनु रावन परिहरि चतुराई भजसि न कृपासिंधु रघुराई
Verse 2
जौ खल भएसि राम कर द्रोही ब्रह्म रुद्र सक राखि न तोही
Verse 3
मूढ़ बृथा जनि मारसि गाला राम बयर अस होइहि हाला
Verse 4
तव सिर निकर कपिन्ह के आगें परिहहिं धरनि राम सर लागें
Verse 5
ते तव सिर कंदुक सम नाना खेलहहिं भालु कीस चौगाना
Verse 6
जबहिं समर कोपहि रघुनायक छुटिहहिं अति कराल बहु सायक
Verse 7
तब कि चलिहि अस गाल तुम्हारा अस बिचारि भजु राम उदारा
Verse 8
सुनत बचन रावन परजरा जरत महानल जनु घृत परा
Verse 9
कुंभकरन अस बंधु मम सुत प्रसिद्ध सक्रारि
Verse 10
मोर पराक्रम नहिं सुनेहि जितेउँ चराचर झारि
0:000:00
Speed: