Book 6 • Chapter 34
Section 34
18 verses
Verse 1
मै तव दसन तोरिबे लायक आयसु मोहि न दीन्ह रघुनायक
Verse 2
असि रिस होति दसउ मुख तोरौं लंका गहि समुद्र महँ बोरौं
Verse 3
गूलरि फल समान तव लंका बसहु मध्य तुम्ह जंतु असंका
Verse 4
मैं बानर फल खात न बारा आयसु दीन्ह न राम उदारा
Verse 5
जुगति सुनत रावन मुसुकाई मूढ़ सिखिहि कहँ बहुत झुठाई
Verse 6
बालि न कबहुँ गाल अस मारा मिलि तपसिन्ह तैं भएसि लबारा
Verse 7
साँचेहुँ मैं लबार भुज बीहा जौं न उपारिउँ तव दस जीहा
Verse 8
समुझि राम प्रताप कपि कोपा सभा माझ पन करि पद रोपा
Verse 9
जौं मम चरन सकसि सठ टारी फिरहिं रामु सीता मैं हारी
Verse 10
सुनहु सुभट सब कह दससीसा पद गहि धरनि पछारहु कीसा
Verse 11
इंद्रजीत आदिक बलवाना हरषि उठे जहँ तहँ भट नाना
Verse 12
झपटहिं करि बल बिपुल उपाई पद न टरइ बैठहिं सिरु नाई
Verse 13
पुनि उठि झपटहीं सुर आराती टरइ न कीस चरन एहि भाँती
Verse 14
पुरुष कुजोगी जिमि उरगारी मोह बिटप नहिं सकहिं उपारी
Verse 15
कोटिन्ह मेघनाद सम सुभट उठे हरषाइ
Verse 16
झपटहिं टरै न कपि चरन पुनि बैठहिं सिर नाइ 34(क)
Verse 17
भूमि न छाँडत कपि चरन देखत रिपु मद भाग
Verse 18
कोटि बिघ्न ते संत कर मन जिमि नीति न त्याग 34(ख)
0:000:00
Speed: