Book 6 • Chapter 44
Section 44
10 verses
Verse 1
जुद्ध बिरुद्ध क्रुद्ध द्वौ बंदर राम प्रताप सुमिरि उर अंतर
Verse 2
रावन भवन चढ़े द्वौ धाई करहि कोसलाधीस दोहाई
Verse 3
कलस सहित गहि भवनु ढहावा देखि निसाचरपति भय पावा
Verse 4
नारि बृंद कर पीटहिं छाती अब दुइ कपि आए उतपाती
Verse 5
कपिलीला करि तिन्हहि डेरावहिं रामचंद्र कर सुजसु सुनावहिं
Verse 6
पुनि कर गहि कंचन के खंभा कहेन्हि करिअ उतपात अरंभा
Verse 7
गर्जि परे रिपु कटक मझारी लागे मर्दै भुज बल भारी
Verse 8
काहुहि लात चपेटन्हि केहू भजहु न रामहि सो फल लेहू
Verse 9
एक एक सों मर्दहिं तोरि चलावहिं मुंड
Verse 10
रावन आगें परहिं ते जनु फूटहिं दधि कुंड
0:000:00
Speed: