Book 6 • Chapter 45
Section 45
10 verses
Verse 1
महा महा मुखिआ जे पावहिं ते पद गहि प्रभु पास चलावहिं
Verse 2
कहइ बिभीषनु तिन्ह के नामा देहिं राम तिन्हहू निज धामा
Verse 3
खल मनुजाद द्विजामिष भोगी पावहिं गति जो जाचत जोगी
Verse 4
उमा राम मृदुचित करुनाकर बयर भाव सुमिरत मोहि निसिचर
Verse 5
देहिं परम गति सो जियँ जानी अस कृपाल को कहहु भवानी
Verse 6
अस प्रभु सुनि न भजहिं भ्रम त्यागी नर मतिमंद ते परम अभागी
Verse 7
अंगद अरु हनुमंत प्रबेसा कीन्ह दुर्ग अस कह अवधेसा
Verse 8
लंकाँ द्वौ कपि सोहहिं कैसें मथहि सिंधु दुइ मंदर जैसें
Verse 9
भुज बल रिपु दल दलमलि देखि दिवस कर अंत
Verse 10
कूदे जुगल बिगत श्रम आए जहँ भगवंत
0:000:00
Speed: