Book 6 • Chapter 51
Section 51
10 verses
Verse 1
देखि पवनसुत कटक बिहाला क्रोधवंत जनु धायउ काला
Verse 2
महासैल एक तुरत उपारा अति रिस मेघनाद पर डारा
Verse 3
आवत देखि गयउ नभ सोई रथ सारथी तुरग सब खोई
Verse 4
बार बार पचार हनुमाना निकट न आव मरमु सो जाना
Verse 5
रघुपति निकट गयउ घननादा नाना भाँति करेसि दुर्बादा
Verse 6
अस्त्र सस्त्र आयुध सब डारे कौतुकहीं प्रभु काटि निवारे
Verse 7
देखि प्रताप मूढ़ खिसिआना करै लाग माया बिधि नाना
Verse 8
जिमि कोउ करै गरुड़ सैं खेला डरपावै गहि स्वल्प सपेला
Verse 9
जासु प्रबल माया बल सिव बिरंचि बड़ छोट
Verse 10
ताहि दिखावइ निसिचर निज माया मति खोट
0:000:00
Speed: