Book 6 • Chapter 54
Section 54
10 verses
Verse 1
घायल बीर बिराजहिं कैसे कुसुमित किंसुक के तरु जैसे
Verse 2
लछिमन मेघनाद द्वौ जोधा भिरहिं परसपर करि अति क्रोधा
Verse 3
एकहि एक सकइ नहिं जीती निसिचर छल बल करइ अनीती
Verse 4
क्रोधवंत तब भयउ अनंता भंजेउ रथ सारथी तुरंता
Verse 5
नाना बिधि प्रहार कर सेषा राच्छस भयउ प्रान अवसेषा
Verse 6
रावन सुत निज मन अनुमाना संकठ भयउ हरिहि मम प्राना
Verse 7
बीरघातिनी छाड़िसि साँगी तेज पुंज लछिमन उर लागी
Verse 8
मुरुछा भई सक्ति के लागें तब चलि गयउ निकट भय त्यागें
Verse 9
मेघनाद सम कोटि सत जोधा रहे उठाइ
Verse 10
जगदाधार सेष किमि उठै चले खिसिआइ
0:000:00
Speed: