Book 6 • Chapter 68
Section 68
10 verses
Verse 1
कर सारंग साजि कटि भाथा अरि दल दलन चले रघुनाथा
Verse 2
प्रथम कीन्ह प्रभु धनुष टँकोरा रिपु दल बधिर भयउ सुनि सोरा
Verse 3
सत्यसंध छाँड़े सर लच्छा कालसर्प जनु चले सपच्छा
Verse 4
जहँ तहँ चले बिपुल नाराचा लगे कटन भट बिकट पिसाचा
Verse 5
कटहिं चरन उर सिर भुजदंडा बहुतक बीर होहिं सत खंडा
Verse 6
घुर्मि घुर्मि घायल महि परहीं उठि संभारि सुभट पुनि लरहीं
Verse 7
लागत बान जलद जिमि गाजहीं बहुतक देखी कठिन सर भाजहिं
Verse 8
रुंड प्रचंड मुंड बिनु धावहिं धरु धरु मारू मारु धुनि गावहिं
Verse 9
छन महुँ प्रभु के सायकन्हि काटे बिकट पिसाच
Verse 10
पुनि रघुबीर निषंग महुँ प्रबिसे सब नाराच
0:000:00
Speed: