Book 6 • Chapter 71
Section 71
12 verses
Verse 1
सभय देव करुनानिधि जान्यो श्रवन प्रजंत सरासनु तान्यो
Verse 2
बिसिख निकर निसिचर मुख भरेऊ तदपि महाबल भूमि न परेऊ
Verse 3
सरन्हि भरा मुख सन्मुख धावा काल त्रोन सजीव जनु आवा
Verse 4
तब प्रभु कोपि तीब्र सर लीन्हा धर ते भिन्न तासु सिर कीन्हा
Verse 5
सो सिर परेउ दसानन आगें बिकल भयउ जिमि फनि मनि त्यागें
Verse 6
धरनि धसइ धर धाव प्रचंडा तब प्रभु काटि कीन्ह दुइ खंडा
Verse 7
परे भूमि जिमि नभ तें भूधर हेठ दाबि कपि भालु निसाचर
Verse 8
तासु तेज प्रभु बदन समाना सुर मुनि सबहिं अचंभव माना
Verse 9
सुर दुंदुभीं बजावहिं हरषहिं अस्तुति करहिं सुमन बहु बरषहिं
Verse 10
करि बिनती सुर सकल सिधाए तेही समय देवरिषि आए
Verse 11
गगनोपरि हरि गुन गन गाए रुचिर बीररस प्रभु मन भाए
Verse 12
बेगि हतहु खल कहि मुनि गए राम समर महि सोभत भए
0:000:00
Speed: