Book 5 • Chapter 10
Section 10
11 verses
Verse 1
सीता तैं मम कृत अपमाना कटिहउँ तव सिर कठिन कृपाना
Verse 2
नाहिं त सपदि मानु मम बानी सुमुखि होति न त जीवन हानी
Verse 3
स्याम सरोज दाम सम सुंदर प्रभु भुज करि कर सम दसकंधर
Verse 4
सो भुज कंठ कि तव असि घोरा सुनु सठ अस प्रवान पन मोरा
Verse 5
चंद्रहास हरु मम परितापं रघुपति बिरह अनल संजातं
Verse 6
सीतल निसित बहसि बर धारा कह सीता हरु मम दुख भारा
Verse 7
सुनत बचन पुनि मारन धावा मयतनयाँ कहि नीति बुझावा
Verse 8
कहेसि सकल निसिचरिन्ह बोलाई सीतहि बहु बिधि त्रासहु जाई
Verse 9
मास दिवस महुँ कहा न माना तौ मैं मारबि काढ़ि कृपाना
Verse 10
भवन गयउ दसकंधर इहाँ पिसाचिनि बृंद
Verse 11
सीतहि त्रास देखावहि धरहिं रूप बहु मंद
0:000:00
Speed: