Book 5 • Chapter 2
Section 2
14 verses
Verse 1
जात पवनसुत देवन्ह देखा जानैं कहुँ बल बुद्धि बिसेषा
Verse 2
सुरसा नाम अहिन्ह कै माता पठइन्हि आइ कही तेहिं बाता
Verse 3
आजु सुरन्ह मोहि दीन्ह अहारा सुनत बचन कह पवनकुमारा
Verse 4
राम काजु करि फिरि मैं आवौं सीता कइ सुधि प्रभुहि सुनावौं
Verse 5
तब तव बदन पैठिहउँ आई सत्य कहउँ मोहि जान दे माई
Verse 6
कबनेहुँ जतन देइ नहिं जाना ग्रससि न मोहि कहेउ हनुमाना
Verse 7
जोजन भरि तेहिं बदनु पसारा कपि तनु कीन्ह दुगुन बिस्तारा
Verse 8
सोरह जोजन मुख तेहिं ठयऊ तुरत पवनसुत बत्तिस भयऊ
Verse 9
जस जस सुरसा बदनु बढ़ावा तासु दून कपि रूप देखावा
Verse 10
सत जोजन तेहिं आनन कीन्हा अति लघु रूप पवनसुत लीन्हा
Verse 11
बदन पइठि पुनि बाहेर आवा मागा बिदा ताहि सिरु नावा
Verse 12
मोहि सुरन्ह जेहि लागि पठावा बुधि बल मरमु तोर मै पावा
Verse 13
राम काजु सबु करिहहु तुम्ह बल बुद्धि निधान
Verse 14
आसिष देह गई सो हरषि चलेउ हनुमान
0:000:00
Speed: