Book 5 • Chapter 33
Section 33
11 verses
Verse 1
बार बार प्रभु चहइ उठावा प्रेम मगन तेहि उठब न भावा
Verse 2
प्रभु कर पंकज कपि कें सीसा सुमिरि सो दसा मगन गौरीसा
Verse 3
सावधान मन करि पुनि संकर लागे कहन कथा अति सुंदर
Verse 4
कपि उठाइ प्रभु हृदयँ लगावा कर गहि परम निकट बैठावा
Verse 5
कहु कपि रावन पालित लंका केहि बिधि दहेउ दुर्ग अति बंका
Verse 6
प्रभु प्रसन्न जाना हनुमाना बोला बचन बिगत अभिमाना
Verse 7
साखामृग के बड़ि मनुसाई साखा तें साखा पर जाई
Verse 8
नाघि सिंधु हाटकपुर जारा निसिचर गन बिधि बिपिन उजारा
Verse 9
सो सब तव प्रताप रघुराई नाथ न कछू मोरि प्रभुताई
Verse 10
ता कहुँ प्रभु कछु अगम नहिं जा पर तुम्ह अनुकुल
Verse 11
तब प्रभावँ बड़वानलहिं जारि सकइ खलु तूल
0:000:00
Speed: