Book 7 • Chapter 104
Section 104
8 verses
Verse 1
नित जुग धर्म होहिं सब केरे हृदयँ राम माया के प्रेरे
Verse 2
सुद्ध सत्व समता बिग्याना कृत प्रभाव प्रसन्न मन जाना
Verse 3
सत्व बहुत रज कछु रति कर्मा सब बिधि सुख त्रेता कर धर्मा
Verse 4
बहु रज स्वल्प सत्व कछु तामस द्वापर धर्म हरष भय मानस
Verse 5
तामस बहुत रजोगुन थोरा कलि प्रभाव बिरोध चहुँ ओरा
Verse 6
बुध जुग धर्म जानि मन माहीं तजि अधर्म रति धर्म कराहीं
Verse 7
काल धर्म नहिं ब्यापहिं ताही रघुपति चरन प्रीति अति जाही
Verse 8
नट कृत बिकट कपट खगराया नट सेवकहि न ब्यापइ माया
0:000:00
Speed: