Book 7 • Chapter 126
Section 126
8 verses
Verse 1
कहेउँ परम पुनीत इतिहासा सुनत श्रवन छूटहिं भव पासा
Verse 2
प्रनत कल्पतरु करुना पुंजा उपजइ प्रीति राम पद कंजा
Verse 3
मन क्रम बचन जनित अघ जाई सुनहिं जे कथा श्रवन मन लाई
Verse 4
तीर्थाटन साधन समुदाई जोग बिराग ग्यान निपुनाई
Verse 5
नाना कर्म धर्म ब्रत दाना संजम दम जप तप मख नाना
Verse 6
भूत दया द्विज गुर सेवकाई बिद्या बिनय बिबेक बड़ाई
Verse 7
जहँ लगि साधन बेद बखानी सब कर फल हरि भगति भवानी
Verse 8
सो रघुनाथ भगति श्रुति गाई राम कृपाँ काहूँ एक पाई
0:000:00
Speed: