Book 7 • Chapter 127
Section 127
8 verses
Verse 1
सोइ सर्बग्य गुनी सोइ ग्याता सोइ महि मंडित पंडित दाता
Verse 2
धर्म परायन सोइ कुल त्राता राम चरन जा कर मन राता
Verse 3
नीति निपुन सोइ परम सयाना श्रुति सिद्धांत नीक तेहिं जाना
Verse 4
सोइ कबि कोबिद सोइ रनधीरा जो छल छाड़ि भजइ रघुबीरा
Verse 5
धन्य देस सो जहँ सुरसरी धन्य नारि पतिब्रत अनुसरी
Verse 6
धन्य सो भूपु नीति जो करई धन्य सो द्विज निज धर्म न टरई
Verse 7
सो धन धन्य प्रथम गति जाकी धन्य पुन्य रत मति सोइ पाकी
Verse 8
धन्य घरी सोइ जब सतसंगा धन्य जन्म द्विज भगति अभंगा
0:000:00
Speed: