Book 7 • Chapter 13
Section 13
28 verses
Verse 1
जय सगुन निर्गुन रूप रूप अनूप भूप सिरोमने
Verse 2
दसकंधरादि प्रचंड निसिचर प्रबल खल भुज बल हने
Verse 3
अवतार नर संसार भार बिभंजि दारुन दुख दहे
Verse 4
जय प्रनतपाल दयाल प्रभु संजुक्त सक्ति नमामहे
Verse 5
तव बिषम माया बस सुरासुर नाग नर अग जग हरे
Verse 6
भव पंथ भ्रमत अमित दिवस निसि काल कर्म गुननि भरे
Verse 7
जे नाथ करि करुना बिलोके त्रिबिधि दुख ते निर्बहे
Verse 8
भव खेद छेदन दच्छ हम कहुँ रच्छ राम नमामहे
Verse 9
जे ग्यान मान बिमत्त तव भव हरनि भक्ति न आदरी
Verse 10
ते पाइ सुर दुर्लभ पदादपि परत हम देखत हरी
Verse 11
बिस्वास करि सब आस परिहरि दास तव जे होइ रहे
Verse 12
जपि नाम तव बिनु श्रम तरहिं भव नाथ सो समरामहे
Verse 13
जे चरन सिव अज पूज्य रज सुभ परसि मुनिपतिनी तरी
Verse 14
नख निर्गता मुनि बंदिता त्रेलोक पावनि सुरसरी
Verse 15
ध्वज कुलिस अंकुस कंज जुत बन फिरत कंटक किन लहे
Verse 16
पद कंज द्वंद मुकुंद राम रमेस नित्य भजामहे
Verse 17
अब्यक्तमूलमनादि तरु त्वच चारि निगमागम भने
Verse 18
षट कंध साखा पंच बीस अनेक पर्न सुमन घने
Verse 19
फल जुगल बिधि कटु मधुर बेलि अकेलि जेहि आश्रित रहे
Verse 20
पल्लवत फूलत नवल नित संसार बिटप नमामहे
Verse 21
जे ब्रह्म अजमद्वैतमनुभवगम्य मनपर ध्यावहीं
Verse 22
ते कहहुँ जानहुँ नाथ हम तव सगुन जस नित गावहीं
Verse 23
करुनायतन प्रभु सदगुनाकर देव यह बर मागहीं
Verse 24
मन बचन कर्म बिकार तजि तव चरन हम अनुरागहीं
Verse 25
सब के देखत बेदन्ह बिनती कीन्हि उदार
Verse 26
अंतर्धान भए पुनि गए ब्रह्म आगार 13(क)
Verse 27
बैनतेय सुनु संभु तब आए जहँ रघुबीर
Verse 28
बिनय करत गदगद गिरा पूरित पुलक सरीर 13(ख)
0:000:00
Speed: