Book 7 • Chapter 14
Section 14
20 verses
Verse 1
जय राम रमारमनं समनं भव ताप भयाकुल पाहि जनं
Verse 2
अवधेस सुरेस रमेस बिभो सरनागत मागत पाहि प्रभो
Verse 3
दससीस बिनासन बीस भुजा कृत दूरि महा महि भूरि रुजा
Verse 4
रजनीचर बृंद पतंग रहे सर पावक तेज प्रचंड दहे
Verse 5
महि मंडल मंडन चारुतरं धृत सायक चाप निषंग बरं
Verse 6
मद मोह महा ममता रजनी तम पुंज दिवाकर तेज अनी
Verse 7
मनजात किरात निपात किए मृग लोग कुभोग सरेन हिए
Verse 8
हति नाथ अनाथनि पाहि हरे बिषया बन पावँर भूलि परे
Verse 9
बहु रोग बियोगन्हि लोग हए भवदंघ्रि निरादर के फल ए
Verse 10
भव सिंधु अगाध परे नर ते पद पंकज प्रेम न जे करते
Verse 11
अति दीन मलीन दुखी नितहीं जिन्ह के पद पंकज प्रीति नहीं
Verse 12
अवलंब भवंत कथा जिन्ह के प्रिय संत अनंत सदा तिन्ह कें
Verse 13
नहिं राग न लोभ न मान मदा तिन्ह कें सम बैभव वा बिपदा
Verse 14
एहि ते तव सेवक होत मुदा मुनि त्यागत जोग भरोस सदा
Verse 15
करि प्रेम निरंतर नेम लिएँ पद पंकज सेवत सुद्ध हिएँ
Verse 16
सम मानि निरादर आदरही सब संत सुखी बिचरंति मही
Verse 17
मुनि मानस पंकज भृंग भजे रघुबीर महा रनधीर अजे
Verse 18
तव नाम जपामि नमामि हरी भव रोग महागद मान अरी
Verse 19
गुन सील कृपा परमायतनं प्रनमामि निरंतर श्रीरमनं
Verse 20
रघुनंद निकंदय द्वंद्वघनं महिपाल बिलोकय दीन जनं
0:000:00
Speed: