Book 7 • Chapter 15
Section 15
10 verses
Verse 1
सुनु खगपति यह कथा पावनी त्रिबिध ताप भव भय दावनी
Verse 2
महाराज कर सुभ अभिषेका सुनत लहहिं नर बिरति बिबेका
Verse 3
जे सकाम नर सुनहिं जे गावहिं सुख संपति नाना बिधि पावहिं
Verse 4
सुर दुर्लभ सुख करि जग माहीं अंतकाल रघुपति पुर जाहीं
Verse 5
सुनहिं बिमुक्त बिरत अरु बिषई लहहिं भगति गति संपति नई
Verse 6
खगपति राम कथा मैं बरनी स्वमति बिलास त्रास दुख हरनी
Verse 7
बिरति बिबेक भगति दृढ़ करनी मोह नदी कहँ सुंदर तरनी
Verse 8
नित नव मंगल कौसलपुरी हरषित रहहिं लोग सब कुरी
Verse 9
नित नइ प्रीति राम पद पंकज सबकें जिन्हहि नमत सिव मुनि अज
Verse 10
मंगन बहु प्रकार पहिराए द्विजन्ह दान नाना बिधि पाए
0:000:00
Speed: