Book 7 • Chapter 18
Section 18
8 verses
Verse 1
सुनु सर्बग्य कृपा सुख सिंधो दीन दयाकर आरत बंधो
Verse 2
मरती बेर नाथ मोहि बाली गयउ तुम्हारेहि कोंछें घाली
Verse 3
असरन सरन बिरदु संभारी मोहि जनि तजहु भगत हितकारी
Verse 4
मोरें तुम्ह प्रभु गुर पितु माता जाउँ कहाँ तजि पद जलजाता
Verse 5
तुम्हहि बिचारि कहहु नरनाहा प्रभु तजि भवन काज मम काहा
Verse 6
बालक ग्यान बुद्धि बल हीना राखहु सरन नाथ जन दीना
Verse 7
नीचि टहल गृह कै सब करिहउँ पद पंकज बिलोकि भव तरिहउँ
Verse 8
अस कहि चरन परेउ प्रभु पाही अब जनि नाथ कहहु गृह जाही
0:000:00
Speed: