Book 7 • Chapter 17
Section 17
8 verses
Verse 1
सुनि प्रभु बचन मगन सब भए को हम कहाँ बिसरि तन गए
Verse 2
एकटक रहे जोरि कर आगे सकहिं न कछु कहि अति अनुरागे
Verse 3
परम प्रेम तिन्ह कर प्रभु देखा कहा बिबिध बिधि ग्यान बिसेषा
Verse 4
प्रभु सन्मुख कछु कहन न पारहिं पुनि पुनि चरन सरोज निहारहिं
Verse 5
तब प्रभु भूषन बसन मगाए नाना रंग अनूप सुहाए
Verse 6
सुग्रीवहि प्रथमहिं पहिराए बसन भरत निज हाथ बनाए
Verse 7
प्रभु प्रेरित लछिमन पहिराए लंकापति रघुपति मन भाए
Verse 8
अंगद बैठ रहा नहिं डोला प्रीति देखि प्रभु ताहि न बोला
0:000:00
Speed: