Book 7 • Chapter 26
Section 26
8 verses
Verse 1
प्रातकाल सरऊ करि मज्जन बैठहिं सभाँ संग द्विज सज्जन
Verse 2
बेद पुरान बसिष्ट बखानहिं सुनहिं राम जद्यपि सब जानहिं
Verse 3
अनुजन्ह संजुत भोजन करहीं देखि सकल जननीं सुख भरहीं
Verse 4
भरत सत्रुहन दोनउ भाई सहित पवनसुत उपबन जाई
Verse 5
बूझहिं बैठि राम गुन गाहा कह हनुमान सुमति अवगाहा
Verse 6
सुनत बिमल गुन अति सुख पावहिं बहुरि बहुरि करि बिनय कहावहिं
Verse 7
सब कें गृह गृह होहिं पुराना रामचरित पावन बिधि नाना
Verse 8
नर अरु नारि राम गुन गानहिं करहिं दिवस निसि जात न जानहिं
0:000:00
Speed: