Book 7 • Chapter 28
Section 28
8 verses
Verse 1
सुमन बाटिका सबहिं लगाई बिबिध भाँति करि जतन बनाई
Verse 2
लता ललित बहु जाति सुहाई फूलहिं सदा बंसत कि नाई
Verse 3
गुंजत मधुकर मुखर मनोहर मारुत त्रिबिध सदा बह सुंदर
Verse 4
नाना खग बालकन्हि जिआए बोलत मधुर उड़ात सुहाए
Verse 5
मोर हंस सारस पारावत भवननि पर सोभा अति पावत
Verse 6
जहँ तहँ देखहिं निज परिछाहीं बहु बिधि कूजहिं नृत्य कराहीं
Verse 7
सुक सारिका पढ़ावहिं बालक कहहु राम रघुपति जनपालक
Verse 8
राज दुआर सकल बिधि चारू बीथीं चौहट रूचिर बजारू
0:000:00
Speed: