Book 7 • Chapter 62
Section 62
10 verses
Verse 1
मिलहिं न रघुपति बिनु अनुरागा किएँ जोग तप ग्यान बिरागा
Verse 2
उत्तर दिसि सुंदर गिरि नीला तहँ रह काकभुसुंडि सुसीला
Verse 3
राम भगति पथ परम प्रबीना ग्यानी गुन गृह बहु कालीना
Verse 4
राम कथा सो कहइ निरंतर सादर सुनहिं बिबिध बिहंगबर
Verse 5
जाइ सुनहु तहँ हरि गुन भूरी होइहि मोह जनित दुख दूरी
Verse 6
मैं जब तेहि सब कहा बुझाई चलेउ हरषि मम पद सिरु नाई
Verse 7
ताते उमा न मैं समुझावा रघुपति कृपाँ मरमु मैं पावा
Verse 8
होइहि कीन्ह कबहुँ अभिमाना सो खौवै चह कृपानिधाना
Verse 9
कछु तेहि ते पुनि मैं नहिं राखा समुझइ खग खगही कै भाषा
Verse 10
प्रभु माया बलवंत भवानी जाहि न मोह कवन अस ग्यानी
0:000:00
Speed: