Book 7 • Chapter 64
Section 64
9 verses
Verse 1
सुनहु तात जेहि कारन आयउँ सो सब भयउ दरस तव पायउँ
Verse 2
देखि परम पावन तव आश्रम गयउ मोह संसय नाना भ्रम
Verse 3
अब श्रीराम कथा अति पावनि सदा सुखद दुख पुंज नसावनि
Verse 4
सादर तात सुनावहु मोही बार बार बिनवउँ प्रभु तोही
Verse 5
सुनत गरुड़ कै गिरा बिनीता सरल सुप्रेम सुखद सुपुनीता
Verse 6
भयउ तासु मन परम उछाहा लाग कहै रघुपति गुन गाहा
Verse 7
प्रथमहिं अति अनुराग भवानी रामचरित सर कहेसि बखानी
Verse 8
पुनि नारद कर मोह अपारा कहेसि बहुरि रावन अवतारा
Verse 9
प्रभु अवतार कथा पुनि गाई तब सिसु चरित कहेसि मन लाई
0:000:00
Speed: