Book 7 • Chapter 69
Section 69
8 verses
Verse 1
देखि चरित अति नर अनुसारी भयउ हृदयँ मम संसय भारी
Verse 2
सोइ भ्रम अब हित करि मैं माना कीन्ह अनुग्रह कृपानिधाना
Verse 3
जो अति आतप ब्याकुल होई तरु छाया सुख जानइ सोई
Verse 4
जौं नहिं होत मोह अति मोही मिलतेउँ तात कवन बिधि तोही
Verse 5
सुनतेउँ किमि हरि कथा सुहाई अति बिचित्र बहु बिधि तुम्ह गाई
Verse 6
निगमागम पुरान मत एहा कहहिं सिद्ध मुनि नहिं संदेहा
Verse 7
संत बिसुद्ध मिलहिं परि तेही चितवहिं राम कृपा करि जेही
Verse 8
राम कृपाँ तव दरसन भयऊ तव प्रसाद सब संसय गयऊ
0:000:00
Speed: