Book 7 • Chapter 95
Section 95
8 verses
Verse 1
गरुड़ गिरा सुनि हरषेउ कागा बोलेउ उमा परम अनुरागा
Verse 2
धन्य धन्य तव मति उरगारी प्रस्न तुम्हारि मोहि अति प्यारी
Verse 3
सुनि तव प्रस्न सप्रेम सुहाई बहुत जनम कै सुधि मोहि आई
Verse 4
सब निज कथा कहउँ मैं गाई तात सुनहु सादर मन लाई
Verse 5
जप तप मख सम दम ब्रत दाना बिरति बिबेक जोग बिग्याना
Verse 6
सब कर फल रघुपति पद प्रेमा तेहि बिनु कोउ न पावइ छेमा
Verse 7
एहि तन राम भगति मैं पाई ताते मोहि ममता अधिकाई
Verse 8
जेहि तें कछु निज स्वारथ होई तेहि पर ममता कर सब कोई
0:000:00
Speed: