Book 1 • Chapter 25
Sarga 25
21 verses
Verse 1
अथ तस्याप्रमेयस्य मुनेर्वचनमुत्तमम् श्रुत्वा पुरुषशार्दूल: प्रत्युवाच शुभां गिरम्
Verse 2
अल्पवीर्या यदा यक्षा श्श्रूयन्ते मुनिपुङ्गव कथन्नागसहस्रस्य धारयत्यबला बलम्
Verse 3
विश्वामित्रोऽब्रवीद्वाक्यं शृण येन बलोत्तरा वरदानकृतं वीर्यं धारयत्यबला बलम्
Verse 4
पूर्वमासीन्महायक्षस्सुकेतुर्नाम वीर्यवान् अनपत्यश्शुभाचारस्स च तेपे महत्तप:
Verse 5
पितामहस्तु सुप्रीतस्तस्य यक्षपते स्तदा कन्यारत्नं ददौ राम ताटकां नाम नामत:
Verse 6
ददौ नागसहस्रस्य बलं चास्या: पितामह: नत्वेव पुत्रं यक्षाय ददौ ब्रह्मा महायशा:
Verse 7
तां तु जातां विवर्धन्तीं रूपयौवनशालिनीम् झर्झपुत्राय सुन्दाय ददौ भार्यां यशस्विनीम्
Verse 8
कस्यचित्त्वथ कालस्य यक्षी पुत्रमजायत मारीचं नाम दुर्धर्षं यश्शापाद्राक्षसोऽभवत्
Verse 9
सुन्दे तु निहते राम सागस्त्यमृषिसत्तमम् ताटका सह पुत्रेण प्रधर्षयितुमिच्छति
Verse 10
भक्षार्थं जातसंरम्भा गर्जन्ती साभ्यधावत 0 आपतन्तीं तु तां दृष्ट्वा अगस्त्यो भगवानृषि: राक्षसत्वं भजस्वेति मारीचं व्याजहार स: 1
Verse 11
अगस्त्य: परमक्रुद्धस्ताटकामपि शप्तवान् पुरुषादी महायक्षी विरूपा विकृतानना इदं रूपं विहायाथ दारुणं रूपमस्तु ते
Verse 12
अगस्त्य: परमक्रुद्धस्ताटकामपि शप्तवान् पुरुषादी महायक्षी विरूपा विकृतानना इदं रूपं विहायाथ दारुणं रूपमस्तु ते
Verse 13
सैषा शापकृतामर्षा ताटका क्रोधमूर्छिता देशमुत्सादयत्येनमगस्त्यचरितं शुभम्
Verse 14
एनां राघव दुर्वृत्तां यक्षीं परमदारुणाम् गोब्राह्मणहितार्थाय जहि दुष्टपराक्रमाम्
Verse 15
न ह्येनां शापसम्स्पृष्टां कश्चिदुत्सहते पुमान् निहन्तुं त्रिषु लोकेषु त्वामृते रघुनन्दन
Verse 16
न हि ते स्त्रीवधकृते घृणा कार्या नरोत्तम चातुर्वण्यहितार्थाय कर्तव्यं राजसूनुना
Verse 17
नृशंसमनृशंसं वा प्रजारक्षणकारणात् पातकं वा सदोषं वा कर्तव्यं रक्षता सता
Verse 18
राज्यभारनियुक्तानामेष धर्मस्सनातन: अधर्म्यां जहि काकुत्स्थ धर्मोह्यस्या न विद्यते
Verse 19
श्रूयते हि पुरा शक्रो विरोचनसुतां नृप पृथिवीं हन्तुमिच्छन्तीं मन्थरामभ्यसूदयत्
Verse 20
विष्णुनापि पुरा राम भृगुपत्नी दृढव्रता अनिन्द्रं लोकमिच्छन्ती काव्यमाता निषूदिता
Verse 21
एतैश्चान्यैश्च बहुभी राजपुत्र महात्मभि: अधर्मसहिता नार्यो हता: पुरुषसत्तमै:
0:000:00
Speed: