Book 3 • Chapter 11
Section 11
29 verses
Verse 1
कह मुनि प्रभु सुनु बिनती मोरी अस्तुति करौं कवन बिधि तोरी
Verse 2
महिमा अमित मोरि मति थोरी रबि सन्मुख खद्योत अँजोरी
Verse 3
श्याम तामरस दाम शरीरं जटा मुकुट परिधन मुनिचीरं
Verse 4
पाणि चाप शर कटि तूणीरं नौमि निरंतर श्रीरघुवीरं
Verse 5
मोह विपिन घन दहन कृशानुः संत सरोरुह कानन भानुः
Verse 6
निशिचर करि वरूथ मृगराजः त्रातु सदा नो भव खग बाजः
Verse 7
अरुण नयन राजीव सुवेशं सीता नयन चकोर निशेशं
Verse 8
हर ह्रदि मानस बाल मरालं नौमि राम उर बाहु विशालं
Verse 9
संशय सर्प ग्रसन उरगादः शमन सुकर्कश तर्क विषादः
Verse 10
भव भंजन रंजन सुर यूथः त्रातु सदा नो कृपा वरूथः
Verse 11
निर्गुण सगुण विषम सम रूपं ज्ञान गिरा गोतीतमनूपं
Verse 12
अमलमखिलमनवद्यमपारं नौमि राम भंजन महि भारं
Verse 13
भक्त कल्पपादप आरामः तर्जन क्रोध लोभ मद कामः
Verse 14
अति नागर भव सागर सेतुः त्रातु सदा दिनकर कुल केतुः
Verse 15
अतुलित भुज प्रताप बल धामः कलि मल विपुल विभंजन नामः
Verse 16
धर्म वर्म नर्मद गुण ग्रामः संतत शं तनोतु मम रामः
Verse 17
जदपि बिरज ब्यापक अबिनासी सब के हृदयँ निरंतर बासी
Verse 18
तदपि अनुज श्री सहित खरारी बसतु मनसि मम काननचारी
Verse 19
जे जानहिं ते जानहुँ स्वामी सगुन अगुन उर अंतरजामी
Verse 20
जो कोसल पति राजिव नयना करउ सो राम हृदय मम अयना
Verse 21
अस अभिमान जाइ जनि भोरे मैं सेवक रघुपति पति मोरे
Verse 22
सुनि मुनि बचन राम मन भाए बहुरि हरषि मुनिबर उर लाए
Verse 23
परम प्रसन्न जानु मुनि मोही जो बर मागहु देउ सो तोही
Verse 24
मुनि कह मै बर कबहुँ न जाचा समुझि न परइ झूठ का साचा
Verse 25
तुम्हहि नीक लागै रघुराई सो मोहि देहु दास सुखदाई
Verse 26
अबिरल भगति बिरति बिग्याना होहु सकल गुन ग्यान निधाना
Verse 27
प्रभु जो दीन्ह सो बरु मैं पावा अब सो देहु मोहि जो भावा
Verse 28
अनुज जानकी सहित प्रभु चाप बान धर राम
Verse 29
मम हिय गगन इंदु इव बसहु सदा निहकाम
0:000:00
Speed: