Book 3 • Chapter 24
Section 24
10 verses
Verse 1
सुनहु प्रिया ब्रत रुचिर सुसीला मैं कछु करबि ललित नरलीला
Verse 2
तुम्ह पावक महुँ करहु निवासा जौ लगि करौं निसाचर नासा
Verse 3
जबहिं राम सब कहा बखानी प्रभु पद धरि हियँ अनल समानी
Verse 4
निज प्रतिबिंब राखि तहँ सीता तैसइ सील रुप सुबिनीता
Verse 5
लछिमनहूँ यह मरमु न जाना जो कछु चरित रचा भगवाना
Verse 6
दसमुख गयउ जहाँ मारीचा नाइ माथ स्वारथ रत नीचा
Verse 7
नवनि नीच कै अति दुखदाई जिमि अंकुस धनु उरग बिलाई
Verse 8
भयदायक खल कै प्रिय बानी जिमि अकाल के कुसुम भवानी
Verse 9
करि पूजा मारीच तब सादर पूछी बात
Verse 10
कवन हेतु मन ब्यग्र अति अकसर आयहु तात
0:000:00
Speed: