Book 3 • Chapter 40
Section 40
11 verses
Verse 1
बिकसे सरसिज नाना रंगा मधुर मुखर गुंजत बहु भृंगा
Verse 2
बोलत जलकुक्कुट कलहंसा प्रभु बिलोकि जनु करत प्रसंसा
Verse 3
चक्रवाक बक खग समुदाई देखत बनइ बरनि नहिं जाई
Verse 4
सुन्दर खग गन गिरा सुहाई जात पथिक जनु लेत बोलाई
Verse 5
ताल समीप मुनिन्ह गृह छाए चहु दिसि कानन बिटप सुहाए
Verse 6
चंपक बकुल कदंब तमाला पाटल पनस परास रसाला
Verse 7
नव पल्लव कुसुमित तरु नाना चंचरीक पटली कर गाना
Verse 8
सीतल मंद सुगंध सुभाऊ संतत बहइ मनोहर बाऊ
Verse 9
कुहू कुहू कोकिल धुनि करहीं सुनि रव सरस ध्यान मुनि टरहीं
Verse 10
फल भारन नमि बिटप सब रहे भूमि निअराइ
Verse 11
पर उपकारी पुरुष जिमि नवहिं सुसंपति पाइ
0:000:00
Speed: