Book 3 • Chapter 41
Section 41
13 verses
Verse 1
देखि राम अति रुचिर तलावा मज्जनु कीन्ह परम सुख पावा
Verse 2
देखी सुंदर तरुबर छाया बैठे अनुज सहित रघुराया
Verse 3
तहँ पुनि सकल देव मुनि आए अस्तुति करि निज धाम सिधाए
Verse 4
बैठे परम प्रसन्न कृपाला कहत अनुज सन कथा रसाला
Verse 5
बिरहवंत भगवंतहि देखी नारद मन भा सोच बिसेषी
Verse 6
मोर साप करि अंगीकारा सहत राम नाना दुख भारा
Verse 7
ऐसे प्रभुहि बिलोकउँ जाई पुनि न बनिहि अस अवसरु आई
Verse 8
यह बिचारि नारद कर बीना गए जहाँ प्रभु सुख आसीना
Verse 9
गावत राम चरित मृदु बानी प्रेम सहित बहु भाँति बखानी
Verse 10
करत दंडवत लिए उठाई राखे बहुत बार उर लाई
Verse 11
स्वागत पूँछि निकट बैठारे लछिमन सादर चरन पखारे
Verse 12
नाना बिधि बिनती करि प्रभु प्रसन्न जियँ जानि
Verse 13
नारद बोले बचन तब जोरि सरोरुह पानि
0:000:00
Speed: