Book 2 • Chapter 112
Section 112
10 verses
Verse 1
पुनि सियँ राम लखन कर जोरी जमुनहि कीन्ह प्रनामु बहोरी
Verse 2
चले ससीय मुदित दोउ भाई रबितनुजा कइ करत बड़ाई
Verse 3
पथिक अनेक मिलहिं मग जाता कहहिं सप्रेम देखि दोउ भ्राता
Verse 4
राज लखन सब अंग तुम्हारें देखि सोचु अति हृदय हमारें
Verse 5
मारग चलहु पयादेहि पाएँ ज्योतिषु झूठ हमारें भाएँ
Verse 6
अगमु पंथ गिरि कानन भारी तेहि महँ साथ नारि सुकुमारी
Verse 7
करि केहरि बन जाइ न जोई हम सँग चलहि जो आयसु होई
Verse 8
जाब जहाँ लगि तहँ पहुँचाई फिरब बहोरि तुम्हहि सिरु नाई
Verse 9
एहि बिधि पूँछहिं प्रेम बस पुलक गात जलु नैन
Verse 10
कृपासिंधु फेरहि तिन्हहि कहि बिनीत मृदु बैन
0:000:00
Speed: