Book 2 • Chapter 114
Section 114
10 verses
Verse 1
सीता लखन सहित रघुराई गाँव निकट जब निकसहिं जाई
Verse 2
सुनि सब बाल बृद्ध नर नारी चलहिं तुरत गृहकाजु बिसारी
Verse 3
राम लखन सिय रूप निहारी पाइ नयनफलु होहिं सुखारी
Verse 4
सजल बिलोचन पुलक सरीरा सब भए मगन देखि दोउ बीरा
Verse 5
बरनि न जाइ दसा तिन्ह केरी लहि जनु रंकन्ह सुरमनि ढेरी
Verse 6
एकन्ह एक बोलि सिख देहीं लोचन लाहु लेहु छन एहीं
Verse 7
रामहि देखि एक अनुरागे चितवत चले जाहिं सँग लागे
Verse 8
एक नयन मग छबि उर आनी होहिं सिथिल तन मन बर बानी
Verse 9
एक देखिं बट छाँह भलि डासि मृदुल तृन पात
Verse 10
कहहिं गवाँइअ छिनुकु श्रमु गवनब अबहिं कि प्रात
0:000:00
Speed: