Book 2 • Chapter 13
Section 13
10 verses
Verse 1
दीख मंथरा नगरु बनावा मंजुल मंगल बाज बधावा
Verse 2
पूछेसि लोगन्ह काह उछाहू राम तिलकु सुनि भा उर दाहू
Verse 3
करइ बिचारु कुबुद्धि कुजाती होइ अकाजु कवनि बिधि राती
Verse 4
देखि लागि मधु कुटिल किराती जिमि गवँ तकइ लेउँ केहि भाँती
Verse 5
भरत मातु पहिं गइ बिलखानी का अनमनि हसि कह हँसि रानी
Verse 6
ऊतरु देइ न लेइ उसासू नारि चरित करि ढारइ आँसू
Verse 7
हँसि कह रानि गालु बड़ तोरें दीन्ह लखन सिख अस मन मोरें
Verse 8
तबहुँ न बोल चेरि बड़ि पापिनि छाड़इ स्वास कारि जनु साँपिनि
Verse 9
सभय रानि कह कहसि किन कुसल रामु महिपालु
Verse 10
लखनु भरतु रिपुदमनु सुनि भा कुबरी उर सालु
0:000:00
Speed: