Book 2 • Chapter 143
Section 143
10 verses
Verse 1
धरि धीरज तब कहइ निषादू अब सुमंत्र परिहरहु बिषादू
Verse 2
तुम्ह पंडित परमारथ ग्याता धरहु धीर लखि बिमुख बिधाता
Verse 3
बिबिध कथा कहि कहि मृदु बानी रथ बैठारेउ बरबस आनी
Verse 4
सोक सिथिल रथ सकइ न हाँकी रघुबर बिरह पीर उर बाँकी
Verse 5
चरफराहिं मग चलहिं न घोरे बन मृग मनहुँ आनि रथ जोरे
Verse 6
अढ़ुकि परहिं फिरि हेरहिं पीछें राम बियोगि बिकल दुख तीछें
Verse 7
जो कह रामु लखनु बैदेही हिंकरि हिंकरि हित हेरहिं तेही
Verse 8
बाजि बिरह गति कहि किमि जाती बिनु मनि फनिक बिकल जेहि भाँती
Verse 9
भयउ निषाद बिषादबस देखत सचिव तुरंग
Verse 10
बोलि सुसेवक चारि तब दिए सारथी संग
0:000:00
Speed: