Book 2 • Chapter 156
Section 156
10 verses
Verse 1
जिअन मरन फलु दसरथ पावा अंड अनेक अमल जसु छावा
Verse 2
जिअत राम बिधु बदनु निहारा राम बिरह करि मरनु सँवारा
Verse 3
सोक बिकल सब रोवहिं रानी रूपु सील बलु तेजु बखानी
Verse 4
करहिं बिलाप अनेक प्रकारा परहीं भूमितल बारहिं बारा
Verse 5
बिलपहिं बिकल दास अरु दासी घर घर रुदनु करहिं पुरबासी
Verse 6
अँथयउ आजु भानुकुल भानू धरम अवधि गुन रूप निधानू
Verse 7
गारीं सकल कैकइहि देहीं नयन बिहीन कीन्ह जग जेहीं
Verse 8
एहि बिधि बिलपत रैनि बिहानी आए सकल महामुनि ग्यानी
Verse 9
तब बसिष्ठ मुनि समय सम कहि अनेक इतिहास
Verse 10
सोक नेवारेउ सबहि कर निज बिग्यान प्रकास
0:000:00
Speed: