Book 2 • Chapter 157
Section 157
10 verses
Verse 1
तेल नाँव भरि नृप तनु राखा दूत बोलाइ बहुरि अस भाषा
Verse 2
धावहु बेगि भरत पहिं जाहू नृप सुधि कतहुँ कहहु जनि काहू
Verse 3
एतनेइ कहेहु भरत सन जाई गुर बोलाई पठयउ दोउ भाई
Verse 4
सुनि मुनि आयसु धावन धाए चले बेग बर बाजि लजाए
Verse 5
अनरथु अवध अरंभेउ जब तें कुसगुन होहिं भरत कहुँ तब तें
Verse 6
देखहिं राति भयानक सपना जागि करहिं कटु कोटि कलपना
Verse 7
बिप्र जेवाँइ देहिं दिन दाना सिव अभिषेक करहिं बिधि नाना
Verse 8
मागहिं हृदयँ महेस मनाई कुसल मातु पितु परिजन भाई
Verse 9
एहि बिधि सोचत भरत मन धावन पहुँचे आइ
Verse 10
गुर अनुसासन श्रवन सुनि चले गनेसु मनाइ
0:000:00
Speed: