Book 2 • Chapter 160
Section 160
10 verses
Verse 1
तात बात मैं सकल सँवारी भै मंथरा सहाय बिचारी
Verse 2
कछुक काज बिधि बीच बिगारेउ भूपति सुरपति पुर पगु धारेउ
Verse 3
सुनत भरतु भए बिबस बिषादा जनु सहमेउ करि केहरि नादा
Verse 4
तात तात हा तात पुकारी परे भूमितल ब्याकुल भारी
Verse 5
चलत न देखन पायउँ तोही तात न रामहि सौंपेहु मोही
Verse 6
बहुरि धीर धरि उठे सँभारी कहु पितु मरन हेतु महतारी
Verse 7
सुनि सुत बचन कहति कैकेई मरमु पाँछि जनु माहुर देई
Verse 8
आदिहु तें सब आपनि करनी कुटिल कठोर मुदित मन बरनी
Verse 9
भरतहि बिसरेउ पितु मरन सुनत राम बन गौनु
Verse 10
हेतु अपनपउ जानि जियँ थकित रहे धरि मौनु
0:000:00
Speed: