Book 2 • Chapter 167
Section 167
10 verses
Verse 1
बिलपहिं बिकल भरत दोउ भाई कौसल्याँ लिए हृदयँ लगाई
Verse 2
भाँति अनेक भरतु समुझाए कहि बिबेकमय बचन सुनाए
Verse 3
भरतहुँ मातु सकल समुझाईं कहि पुरान श्रुति कथा सुहाईं
Verse 4
छल बिहीन सुचि सरल सुबानी बोले भरत जोरि जुग पानी
Verse 5
जे अघ मातु पिता सुत मारें गाइ गोठ महिसुर पुर जारें
Verse 6
जे अघ तिय बालक बध कीन्हें मीत महीपति माहुर दीन्हें
Verse 7
जे पातक उपपातक अहहीं करम बचन मन भव कबि कहहीं
Verse 8
ते पातक मोहि होहुँ बिधाता जौं यहु होइ मोर मत माता
Verse 9
जे परिहरि हरि हर चरन भजहिं भूतगन घोर
Verse 10
तेहि कइ गति मोहि देउ बिधि जौं जननी मत मोर
0:000:00
Speed: