Book 2 • Chapter 168
Section 168
10 verses
Verse 1
बेचहिं बेदु धरमु दुहि लेहीं पिसुन पराय पाप कहि देहीं
Verse 2
कपटी कुटिल कलहप्रिय क्रोधी बेद बिदूषक बिस्व बिरोधी
Verse 3
लोभी लंपट लोलुपचारा जे ताकहिं परधनु परदारा
Verse 4
पावौं मैं तिन्ह के गति घोरा जौं जननी यहु संमत मोरा
Verse 5
जे नहिं साधुसंग अनुरागे परमारथ पथ बिमुख अभागे
Verse 6
जे न भजहिं हरि नरतनु पाई जिन्हहि न हरि हर सुजसु सोहाई
Verse 7
तजि श्रुतिपंथु बाम पथ चलहीं बंचक बिरचि बेष जगु छलहीं
Verse 8
तिन्ह कै गति मोहि संकर देऊ जननी जौं यहु जानौं भेऊ
Verse 9
मातु भरत के बचन सुनि साँचे सरल सुभायँ
Verse 10
कहति राम प्रिय तात तुम्ह सदा बचन मन कायँ
0:000:00
Speed: