Book 2 • Chapter 169
Section 169
10 verses
Verse 1
राम प्रानहु तें प्रान तुम्हारे तुम्ह रघुपतिहि प्रानहु तें प्यारे
Verse 2
बिधु बिष चवै स्त्रवै हिमु आगी होइ बारिचर बारि बिरागी
Verse 3
भएँ ग्यानु बरु मिटै न मोहू तुम्ह रामहि प्रतिकूल न होहू
Verse 4
मत तुम्हार यहु जो जग कहहीं सो सपनेहुँ सुख सुगति न लहहीं
Verse 5
अस कहि मातु भरतु हियँ लाए थन पय स्त्रवहिं नयन जल छाए
Verse 6
करत बिलाप बहुत यहि भाँती बैठेहिं बीति गइ सब राती
Verse 7
बामदेउ बसिष्ठ तब आए सचिव महाजन सकल बोलाए
Verse 8
मुनि बहु भाँति भरत उपदेसे कहि परमारथ बचन सुदेसे
Verse 9
तात हृदयँ धीरजु धरहु करहु जो अवसर आजु
Verse 10
उठे भरत गुर बचन सुनि करन कहेउ सबु साजु
0:000:00
Speed: