Book 2 • Chapter 171
Section 171
10 verses
Verse 1
पितु हित भरत कीन्हि जसि करनी सो मुख लाख जाइ नहिं बरनी
Verse 2
सुदिनु सोधि मुनिबर तब आए सचिव महाजन सकल बोलाए
Verse 3
बैठे राजसभाँ सब जाई पठए बोलि भरत दोउ भाई
Verse 4
भरतु बसिष्ठ निकट बैठारे नीति धरममय बचन उचारे
Verse 5
प्रथम कथा सब मुनिबर बरनी कैकइ कुटिल कीन्हि जसि करनी
Verse 6
भूप धरमब्रतु सत्य सराहा जेहिं तनु परिहरि प्रेमु निबाहा
Verse 7
कहत राम गुन सील सुभाऊ सजल नयन पुलकेउ मुनिराऊ
Verse 8
बहुरि लखन सिय प्रीति बखानी सोक सनेह मगन मुनि ग्यानी
Verse 9
सुनहु भरत भावी प्रबल बिलखि कहेउ मुनिनाथ
Verse 10
हानि लाभु जीवन मरनु जसु अपजसु बिधि हाथ
0:000:00
Speed: