Book 2 • Chapter 174
Section 174
10 verses
Verse 1
सब प्रकार भूपति बड़भागी बादि बिषादु करिअ तेहि लागी
Verse 2
यहु सुनि समुझि सोचु परिहरहू सिर धरि राज रजायसु करहू
Verse 3
राँय राजपदु तुम्ह कहुँ दीन्हा पिता बचनु फुर चाहिअ कीन्हा
Verse 4
तजे रामु जेहिं बचनहि लागी तनु परिहरेउ राम बिरहागी
Verse 5
नृपहि बचन प्रिय नहिं प्रिय प्राना करहु तात पितु बचन प्रवाना
Verse 6
करहु सीस धरि भूप रजाई हइ तुम्ह कहँ सब भाँति भलाई
Verse 7
परसुराम पितु अग्या राखी मारी मातु लोक सब साखी
Verse 8
तनय जजातिहि जौबनु दयऊ पितु अग्याँ अघ अजसु न भयऊ
Verse 9
अनुचित उचित बिचारु तजि जे पालहिं पितु बैन
Verse 10
ते भाजन सुख सुजस के बसहिं अमरपति ऐन
0:000:00
Speed: